Il maletg empalont da nossa scola fuorma la basa per nies agir communabel e descriva las valurs, finamiras e tenutas che marcheschan nies mintgadi da scola. El survescha sco orientaziun per ina convivenza cun respect ed ina scola nua che tuts san sesentir bein, sesviluppar e sesviluppar vinavon.

La vischnaunca Lumnezia porscha ina meisa da miezgi accumpignada per tut ils scolars che san buc ir a casa duront miezgi. Ei setracta cheu da scolaras e scolars da Surin, Tersnaus e Vrin. Era auters scolars fan diever dalla meisa da meizgi. Ils participonts gentan el da casa val lumneziala a Vella e vegnan accumpignai e survigilai duront l'entira pausa da miezgi dil persunal dalla Cumbiniala per affons.

Il secretariat da scola ei occupaus mintgamai gliendisgis e margis dallas 14.00 entochen las 17.00 uras e gievgia dallas 08.30 entochen las 11.30 uras.

Cun la KITA Cumbiniala per affons ha la scola Lumnezia in partenari professiunal davart las structuras dil gi extendidas. Las survigilonzas han pil pli liug ellas localitads a Sumsiaras 117B a Vella.

Nossa scola viva valurs sco respect, stema, fidonza e responsabladad che marcheschan nossa convivenza quotidiana. Ellas fuorman la basa per ina cuminonza da scola aviarta e sustenenta, ella quala tuts sesentan acceptai e san crescher communablamein.